Televiziya və radio kanallarında, eləcə də sosial media və sosial şəbəkələrdə həftənin 7 günü 24 saat fasiləsiz olaraq növbəli şəkildə COVİD-19 xəstəliyinin müalicəsində təcrübəsi olan həkimlərin növbəli şəkildə canlı konsultasiyalarını təşkil etmək lazımdır. Çünki xəstə sayı çoxdur və fərdi həkim baxışlarını təmin etmək mümkün deyil. Xəstələr isə nə etmək lazım oldğunu bilmir.

unu COBVİD-19 xəstəliyi ilə effektli mübarizə aparmaq barədə təkliflər səsləndirən radioloq həkim Aydın Əliyev qeyd edib. O bildirib ki, xəstələrə fasiləsiz məsləhətlərin verilməsini təmin etmək lazımdır:
"Bütün tibb müəssisələrində COVİD-19 xəstəliyinin müalicəsində təcrübəsi olan həkimlərin 7/24 görüntülü konsultasiyalarını növbəli şəkildə təmin etmək vacibdir. Bu həkimlərin zəhməti də qiymətləndirilməlidir. Bu halda fiziki təmaslar azaldığına görə xəstəliyin yayılmasının da qarşısı qismən alınmış olar.
Hansı xəstələrin evdə müalicə alması və hansı xəstələrin hospitalizasiya edilməsi üçün onların şikayətlərinə, kliniki-laborator və instrumental göstəricilərinə əsasən kriterilər təyin edilməlidir. Bu zaman ağır xəstələri xəstəxanalarda yerləşdirmək mümkün olar.
Apteklər dərman vasitələri ilə təchiz edilməlidir və süni qiymət artımının qarşısı alınmalıdır.
Test analizi müsbət çıxan insanlara deyilir ki, evdən çıxmayın, bunu başa düşdük. Bəs bu insan tək yaşayırsa, dərman almalıdırsa və müayinələrdən keçməlidirsə, bu məsələlər necə həll edilməlidir? Bu boşluqlar da təcili olaraq aradan qaldırılmalıdır".

Rubrika.Az

Facebook-da paylaş