Xəbər verdiyimiz kimi, Azərbaycanlı aktyor Kamran Dadaşzadə Türkiyənin İstanbul şəhərində baş verən silahlı insident nəticəsində həlak olub.

Hadisə şəhərin Fatih rayonu ərazisində baş verib.

Belə ki, ötən gün iki qrup arasında çıxan atışma nəticəsində biri polis olmaqla 7 nəfər yaralanıb. Bunlardan biri də Kamran Dadaşzadə olub.

Davaya müdaxilə etmək istəyən polis məmuru boyun və kürəyindən xəsarət alıb.

Toqquşmada Zahide Bozan, Fatih Çakırtaş, Ahmet Memiş, Suat Alp, Ahmet Korkular, Kamran Dadaşzadə və İbrahim Halil Küçükyılmaz yaralanıb.

Məlum olub ki, Polat Öztürk, Ayhan Öztürk, Mahmut Korkular və Remzi Korkular arasında əvvəllər də düşmənçilik olub.

Hadisə yerində olan Kamran Dadaşzadə baş nahiyəsindən güllə yarası alıb. O, dərhal xəstəxanaya çatdırılaraq reanimasiya şöbəsinə yerləşdirilib. Lakin həkimlərin səyinə baxmayaraq, aktyorun həyatını xilas etmək mümkün olmayıb. Yaxınları Kamran Dadaşzadənin vəfat xəbərini təsdiqləyiblər. RUBRİKA.AZ xəbər verir ki, Kamran Dadaşzadənin də rol aldığı Xocalıya həsr olunan "Cəhənnəmdə 8 gün" tamaşasının ssenari müəllifi Aygün Həsənoğlu Cebhe.info-ya açıqlamasında hadisə barədə məlumat verib.

O bildirib ki, Kamran Dadaşzadə təsadüf nəticəsində öldürülüb və heç bir mafioz qrupla əlaqəsi olmayıb:
“Bildiyimə görə, İstanbulun Fatih rayonunun Bəyazit bölgəsində iki silahlı qrup atışarkən təsadüf nəticəsində oradan keçərkən başından güllə illə vurulub. Ağır vəziyyətdə xəstəxanaya aparılıb, Kamran Dadaşzadənin ən son dükanda işlədiyini eşitmişdim. Hər hansı silahlı və ya mafioz qrupla əlaqəsi olmayıb. Dünən xəstəxanada keçinib. Təəssüf ki, nəşinin Azərbaycana aparılması barədə məlumatım yoxdur. Ailəsi də buradadır”.

Rubrika.az

Facebook-da paylaş