“Sel suları heç bir təhlükə yaratmayıb”.

Bunu “Azərbaycan Meliorasiya və Su Təsərrüfatı” ASC-nin nümayəndəsi Dilqəm Şərifov Oxu.Az-ın Xaçmaza gələn selin kənddə hansı fəsadlar yaratdığı ilə bağlı sorğusuna cavab olaraq bildirib.

Onun sözlərinə görə, heç bir dağıntı olmayıb, quruma aid suvarma sistemləri ilə bağlı da heç bir problem yaşanmayıb.

15:56

Xaçmaz rayonu Laman kənd sakinləri selin onları qazsız qoyacağından narahatdırlar.

Bununla bağlı videogörüntülər sosial şəbəkədə paylaşılıb.

Vətəndaş iddia edir ki, Xaçmaz rayonu Laman kəndində qaz xətləri Qaraçay çayının yatağının altından keçməsindən narahatdırlar:

“O vaxt kənd camaatı burada iş görənlərə dedi ki, çay yatağının altından qaz, su xətləri keçməz. Amma bizə qulaq asmadılar, çəkdilər. İndi sel gəlib, baxın. Podratçıların gördükləri işə baxın. Qaz ilə su xətti birlikdə çayın içərisindən keçir. İndi xətti zədələsə, camaat 10-15 gün qazsız qalacaq. Xahiş edirik, bu məsələ ilə bağlı ciddi tədbirlər görülsün. Kənd selin altında qalıb, amma heç bir dövlət qurumu bu Laman kəndinə də, camaatına da baxmır”.

Rubrika.az

Facebook-da paylaş