... Qapının qarşısında adamlar dayanıb. Hiss olunur ki, çox ümidlidirlər, onların dərdinə şərik çıxacaq, dadına çatacaq bir insan gözləyirlər. Həmin adamların üzlərindən təbəssüm, ümid yağır. Hiss olunur ki, yaxşı münasibətdən məmnundurlar. Ancaq bu xoş diqqət nədən qaynaqlanır, təyin etmək olmur. Ona görə yaxınlaşıb soruşuruq, müşahidələrimizi qeydə almaq üçün dəqiqləşdirmək istəyirik və öyrənirik ki, bu gün Respublika Klinik Xəstəxanasında vətəndaşlarla fərdi görüş keçirilməsi günüdür. Görüşün başlanmasını gözləyən vətəndaşlar da bu diqqətdən, onlara zaman ayrılmasından xoşhaldırlar. Onlarla ayaqüstü təəssürat söhbətimiz çox çəkmir, çünki az sonra akademik M.Ə.Mirqasımov adına Respublika Klinik Xəstəxanasının direktoru Elviz Qasımov qəbul qrafikinə uyğun olaraq növbəti dəfə vətəndaşlarla fərdi görüşünə başlayır. Əslində Elviz Qasımovun özünin də vurğuladığı kimi ,, xəstəxanada hər gün qəbul keçirilir.



İlk öncə şəhid ailələrinə, qazilərimizə daha çox diqqət göstərilir. Və ümumilikdə hər bir vətəndaşın muraciəti dinləndikdən sonra aidiatı şöbələrə yönləndirilir. İcrası nəzarətə götürülür". Bu, bizim xəstəxanada olarkən apardığımız müşahidələr zamanı yaxşı nümunələrdən biri idi. Əslində, çoxsaylı faktlar gətirmək olar ki, xalq içində "Respublikanski" kimi tanınan bu tibb müəssisəsi necə inkişaf edib, necə dəyişib, direktor Elviz Qasımovun rəhbərliyi altında komanda heyyəti necə peşəkar çalışır...
Təbii ki, bu da TƏBİB və onun rəhbəri Vüqar Qurbanovun yaratdığı idarəetmə sisteminin bir qoludur. Demək olar ki xəstəxanada əksər neqativ hallar aradan qaldırılıb, sığorta sistemi saat kimi işləyir, bir qəpik ödəmədən, özünü İsveçrə, Almaniya kimi ölkələrin xəstəxanasında hiss edərək müayinə oluna, həkim qəbuluna düşə bilirsən. Amma bu haqda daha ətraflı sonra müşahidələrimizi bölüşərik, gəlin vətəndaşlarla keçirilən görüşə diqqət yetirək:
Öyrənirik ki, direktor Elviz Qasımov və komandası mütəmadi olaraq bu cür görüşlər keçirir. Bu da yeni tendensiyadır. Adətən vətəndaş qəbulunu nazirlər, icra başçıları keçirir. Amma bu ənənə səhiyyə sistemində də mükəmməl şəkildə işləməyə başlayıb. Çünki TƏBİB rəhbəri Vüqar Qurbanov bu prosesin təməlini qoyub. Vüqar Qurbanov tez-tez vətəndaşlarla görüşür, qəbullar təşkil edir, şəhid ailələri və qazilərlə ayrıca görüşlər olur.



Və bu presedent Respublika Klinik Xəstəxanası üçün də əhəmiyyətli olub. Onu da demək tam yerinə düşər ki, Respublika Klinik Xəstəxanasında direktor Elviz Qasımovla yanaşı, bu ideal sistemin qurulmasında, peşəkar tibb personalının vətəndaşlara xidmət göstərməsində, baş həkim Sərdar Əsədovun ,direktor müavinləri Murat Ünlü və Elçin Mirzəyevin eləcə də xəstəxanaya yeni təyinat almış ümumi şöbənin müdürü Əli Quliyevin ,ictimayyətlə əlaqələr şöbəsinin bölmə müdürü Namidə İsayevanın zəhmətlırini xüsusi vurğulamaq olar.
Bu gün direktor Elviz Qasımov və islahatçı komandası vətəndaş məmnuniyyətini təmin edən idarəçilik yaradıblar.
Bunun göstəricisi olaraq da Elviz Qasımovla qəbulda iştirak edən vətəndaşlar onları maraqlandıran, narahat edən məsələləri diqqətə çatdırır, birbaşa rəhbərliklə görüş fürsəti qazanırlar.
Ümumiyyətlə, Prezident İlham Əliyevin vətəndaşların qəbulu və müraciətlərinə baxılması işinin daha da yaxşılaşdırılması ilə bağlı qarşıya qoyduğu tapşırıqların icrası məqsədilə keçirilən qəbul prosesində Respublika Klinik Xəstəxanasının aidiyyəti struktur bölmələrinin rəhbərləri həmişə iştirak ediblər.



Öyrənirik ki, müayinə, müalicə, işlə təmin olunma, əməkhaqqı və digər mövzuları əhatə edən müraciətlər diqqətlə dinlənilib və bir sıra məsələlər elə yerində həll olunub.
Digər müraciətlərin isə araşdırılması və qanunvericiliyə uyğun baxılması məqsədilə aidiyyəti struktur bölmələrinin rəhbərlərinə müvafiq tapşırıqlar verilib.
Onu da demək lazımdır ki, bu gün TƏBİB başda olmaqla sözügedən tibb ocağı "bir xəstəxana, bir pasiyent" şüarı ilə işini qurub. Yəni hədəf vətəndaş məmnuniyyəti. Bunu xəstəxanada olan insanlarla söhbətimizdə də gördük, eləcə də Respublika Klinik Xəstəxanasının sosial media hesabında paylaşılan görüntülərdən, vətəndaşların müraciətlərindən də müşahidə etdik.

Nicat Mahmudov

Facebook-da paylaş