Kimin üçünsə vəzifə xalqa xidmət etmək üçün bir vasitədir, kimin üçünsə öz ambisiyalarını gerçəkləşdirmək, karyera qurmaq üçün bir alətdir. Cənab Prezident İlham Əliyev dəfələrlə vurğulayıb ki, ,,hər bir məmurun borcu xalqın xidmətçisi olmaqdır". Bir dövlət təmsilçisi üçün bundan böyük vəzifə ola bilməz. Xüsusilə həmin şəxs məhkəmə-hüquq sisteminin təmsilçisi, ədalətin qoruyucusudursa.
Müasir Azərbaycan dövlətçiliyinin əsasını qoyan Ulu Öndər Heydər Əliyev həm də məhkəmə-hüquq sisteminin banisidir. “Ədalətsizliklə ədaləti bərpa etmək olmaz” deyən böyük dövlət xadimi ədalətli məhkəmə sisteminin bərqərar olması üçün mükəmməl qanunvericilik bazası miras qoymuşdur. Məhz bu təməllər üzərində ölkəmizdə hüquqi dövlət quruculuğu sahəsində böyük işlər görülür. İnsan hüquq və azadlıqlarının qorunması dövlətin təməl prinsipidir. Bunun təmin olunması üçünsə hər bir vətəndaş ölkənin məhkəmə-hüquq sisteminə inanmalı, etimad bəsləməlidir.
Bu inamı qazanmaq, qorumaq isə bu sahədə çalışanların gərgin əməyinin nəticəsidir. Bakı Apellyasiya Məhkəməsində formalaşan işgüzar mühit, vətəndaşların müraciətlərinə göstərilən operativ və həssas münasibət məhz bunun nəticəsidir. Burada hər şey vətəndaş məmnuniyyətinin təmin olunmasına hesablanıb. Bütün müraciətlər anında cavablandırılır, vətəndaş qəbul edilir və problemin maksimum həlli təmin olunur. Tam əminliklə demək olar ki, bu gün Bakı Apellyasiya Məhkəməsində ideal mühit formalaşdırılıb-vətəndaş öz hüquqlarının qorunmasından tamamilə əmindir.
Bütün qanunları insanlar üçündür-onları yazanlar da, icra edənlər də, qoruyanlar da, elə pozanlar da insanlardır. Bakı Apellyasiya Məhkəməsində formalaşan bu ideal mühitin yaradıcıları da insanlardır. Dövlətə, qanunlara sadiq, öz peşəsinin ustası olan insanlar. BAM-nin sədri, Məhkəmə-Hüquq Şurasının üzvü Mübariz Əkbərovun fəaliyyətinin mərkəzində insan amili dayanır. Məqsəd vətəndaşların məhkəmə-hüquq sisteminə inamını qorumaq, bu sistemin daim təkmilləşdirilməsini təmin etməkdir. Sirr deyil ki, uzun illər məhkəmələr barədə cəmiyyətdə mənfi imic formalaşdırılıb, hüquq-məhkəmə sisteminə vətəndaş inamında dərin çatlar yaranıb. M.Əkbərov öz fəaliyyəti, peşəkar rəhbərlik qabiliyyəti ilə bu stereotipplərin dağılmasına, qarşılıqlı inamın formalaşmasına nail olub.
Hakimlik peşəsi yüksək məsuliyyət, insanlar qarşısında böyük öhdəlik və ən əsası cəmiyyətdə yüksək nüfuz tələb edir. Vətəndaş onun hüquqlarını qoruyanlara inanmalıdır. Bu inamı isə qazanmaq hər kəsə nəsib olmur. M.Əkbərov fəaliyyəti ilə həm özünün, həm də rəhbərlik etdiyi BAM-nin cəmiyyətdə sarsılmaz inamını və nüfuzunu təmin etməyi bacarıb.
 
Qeyd etdiyimiz kimi BAM-də vətəndaş qəbulları yüksək səviyyədə təşkil edilir, mürüciətlərə operativ yanaşılır. Şəxsən M.Əkbərov tərəfindən təşkil olunan qəbullarda onları narahat edən hallar diqqətlə dinlənilir, hər bir problem müvafiq prosessual qanunvericiliyin tələblərinə uyğun həll edilir.
,,Göz gördüyün, qulağ eşitdiyin çağırar" deyərlər. Gəlin etiraf edək ki vətəndaş məmuniyyətinin yüksək səviyyədə təşkil olunmasında BAM ümumi şöbənin rəhbəri Orxan Cəbrayılovun da bu sahədə xidmətləri danılmazdır. Məqsəd birdir-vətəndaş məmnuniyyətinin təmin olunması, ədaləti qorumaq, dövlətçiliyimizə ləyaqətlə xidmət etmək.
Heç bir müraciət cavabsız qalmır, ən qısa zaman kəsiyində problemin operativ həlli təmin olunur.
Əminliklə demək olar ki, cənab Prezident İlham Əliyevin məmurlar qarşısında qoyduğu vətəndaş məmuniyyətinin təmin olunması tələbi BAM-də tamamilə təmin olunur. Dövlətə, xalqa sədaqətin təzahürü məhz budur. Mübariz Əkbərov və bütünlüklə BAM-nin əməkdaşları bunun ideal modelini formalaşdırıb. Bu səbədəndir ki, BAM vətəndaşların hüquqlarını qoruyan ümid yerinə çevrilib !
 
Nicat Mahmudov

Facebook-da paylaş