Bu dəqiqələrdə ilin ilk Günəş tutulması hadisəsi başlayıb.

Dairəvi Günəş tutulması Bakı vaxtı ilə saat 16:12-də başlayıb. Proses saat 18:54-də maksimumda olacaq, saat 21:35-də isə bitəcək.

Yerdən Ay səthinin arxasında gizlənəcək Günəşin yalnız nazık dairə şəklində olan az bir hissəsi görünəcək. Səma hadisəsini Cənubi və Qərbi Afrika, Cənubi Amerika, Antarktida sakinləri müşahidə edə biləcəklər. Bu hadisəni Azərbaycandan izləmək mümkün olmayacaq.

Qeyd edək ki, bu il 2 Ay və 2 Günəş tutulması hadisəsi baş verəcək. İlk ay tutulması fevralın 11-də qeydə alınıb. Növbəti Ay tutulması avqustun 7-də, ikinci Günəş tutulması isə avqustun 21-də olacaq. Bu hadisələrin insanlar üçün heç bir təhlükəsi yoxdur və adi astronomik hadisədir.

Rubrika.az

Facebook-da paylaş