Məlum olduğu kimi son dövrlər orta ixtisas məktəblərində də struktur dəyişiklikləri baş vermiş, maddi–texniki bazanın möhkəmləndirilməsi istiqamətində ciddi irəliləyişlər əldə olunmuş, quruculuq işləri aparılmış, təlim–tərbiyə və təhsilin məzmununu yenidən qurmaq üçün effektiv üsul və metodların tətbiqi önə çəkilmişdir. Artıq müxtəlif ixtisas sahələrində kadr hazırlığının keyfiyyətinin yüksəldilməsi iqtisadiyyatın inkişafına və dövlətçiliyin möhkəmləndirilməsinə təkan verməkdədir. Əmək və məşğulluq bazarının tədricən formalaşmağa başlaması və bu bazarın tələblərinə uyğun yeni ixtisasların yaranması iqtisadiyyatın dirçəlməsinə, xüsusi ilə texniki təmayüllü orta ixtisas təhsili müəssisələrinə gənclərin axınını gücləndirmişdir. Bütün bunlar sübut edir ki, orta ixtisas təhsili müəssisələrində kadr hazırlığının səviyyəsi iqtisadi cəhətdən səmərəli olub və eyni zamanda, iqtisadi inkişafın tələbatını ödəməklə yanaşı, on minlərlə gəncin istək və arzularının həyata keçməsinə cavab verir.

Azərbaycan Memarlıq və İnşaat Universiteti nəzdində İnşaat Kolleci cox da böyük bir keçmişə malik deyil. Son illərdə, müasir dövrümüzün tələbləri ilə ayaqlaşa biləcək kadrların yetişdirilməsi məqsədi ilə yaradılmış bu kollecdə dizayn, menecment, nəqliyyat vasitələrinin təmiri və servisi, qaz təchizatı sistemi və avadanlıqlarının quraşdırılması və istismarı, bina və qurğuların tikintisi və istismarı, kommersiya, qaynaq metallurgiyası və texnologiyası avadanlıqlarının istehsalı kimi vacib ixtisalar üzrə mütəxəsislər hazırlanır.

Son dövrlər İnşaat Kollecində yaranan bir sıra neqotiv hallarla bağlı Aktualinfo.org onlayn qəzet redaksiyasına daxıl olmuş məlumatlarda direktor Namiq Ağamalıyevi ittiham etmək absurd olardı. Namiq Ağamalıyev təhsil sistemində təsadüfi şəxs deyil və sözügedən kollecdə əvvəllər müşahidə olunan çatışmazlıqları ardan qaldıraraq rəhbərlik etdiyi təhsil ocağında yüksək təhsil mühiti və hazırlıqlı müəllim kollektivi yarada bilib.

Rubrika.Az bildirir ki, ki, Aktualinfo.org-a verilən məlumatlarda vurğulanır ki, sessiya imtahanlarının vaxtı yaxınlaşdıqca kollecdə hökm sürən ab-hava tələbələri çox kədərləndirir. İmtahanlarda uğursuzluğa düçar olan tələbələrdən hər kəsiri “düzəltmək” üçün rəhbərlik tərəfindən müəyyən olunmuş məbləğ tələb olunur. Verilən məlumatlarda söylənilir ki, kurs işləri və təcrübə sənədləri də müəyyən vəsaitlər hesabına başa gəlir. Qeyd edilir ki, 50 manatdan aşağı kurs işi və təcrübə sənədi qiymətləndirilmir. İmtahan sessiyası bir tələbəyə 400-600 manata başa gəlir. Məlumata görə, kolecdə rüşvətin yığılması işində hər yerdə olduğu kimi sinif nümayəndələri vasitəçi rolu oynayırlar. Yəni, onlar tələbələrdən yığılmış toplam pulu müəllimlərə çatdırırlar. Əvəzində özləri imtahanları və təcrübəni pulsuz keçirlər. Müəllimlər də ümumi məbləğdən paylarına düşəni götürüb qalan hissəni şöbə müdirlərinə verirlər. Onlar isə öz növbələrində, həmin pulları kollecin direktoru Namiq Ağamalıyevə verirləır. Təbii ki, birbaşa yox, müavini Nicat Göyüşlünün əli ilə. Bundan əlavə, rəhbərliyin başqa dolanışıq yerlərindən biri kimi kollecdə aylığa çıxan tələbələr göstərilir.Bu baxımdan kollecdə tələbələrin dərsə davamiyyətinin də aşağı olduğu söylənilir.

Bu söylənilənlərin nə dərəcədə həqiqətə uyğun olub, olmaması barədə əvəlcədən fikir söyləmək çox çətindir.Amma digər söylənilənlərə, Namiq Ağamalıyevin Memarlıq və İnşaat Universitetinin İnzibati təsərrüfat işləri üzrə prorektoru İsrafil Məmmədovla yaxın münasibətlərdə olmasına inanmamaq olmur. Deyilənlərə görə bir neçə il öncə sözügedən kollecdə müavin olmuş Namiq Ağamalıyevin bu vəzifəyə təyinatında da prorektorun köməyi olub. Prorektor da öz novbəsində rektor Gülçöhrə Məmmədovaya yağınlığı ilə tanınan biri olduğundan bu deyilənlərin hardasa həqiqət olduğu görsənir. Hətta deyilənlərə görə İsrafil Məmmədov Memarlıq və İnşaat Universitetində bir çox həll olunmayan məsələləri həll edə biləcək gücə malikdair. Görünür İnşaat Kolecində bir sıra neqotiv hallara yol verilməsinin arxasında da məhz onlar dayanır.

Əks tərəfin də mövqeyini dinləməyə hazırıq..

Fraksiya.az

Facebook-da paylaş