Rubrika.Az saytında “Bakı İqtisadiyyat və Humanitar Kollecində “humanitar böhran” başlıqlı yazı dərc olunmuş və kollec barəsində daxil olan şikayət xarakterli məlumatlar işıqlandırılmışdı. Vəziyyətlə yerindəcə tanış olmaq məqsədilə Kollecdə olduq və redaksiyamıza daxil olan məlumatları araşdırdıq. Jurnalist araşdırması nəticəsində şikayət xarakterli məlumatlar öz əksini tapmadı.

Kollecdə son illərdə qazanılan uğurlar, burada tələbələrin yüksək səviyyədə təhsil alması üçün görülən işlər gərgin əməyin, zəngin təcrübənin məhsuludur. Elə ilk tanışlıqdan hiss edirsən ki, Kollecdə əlverişli təhsil mühiti formalaşdırılıb, hər şey uğurlu nəticəyə hesablanıb.
Bakı Dövlət İqtisadiyyat və Humanitar Kollecin drektoru Rüxsarə xanım Əliyeva bizimlə söhbətində Kollecin son illər əldə etdiyi uğurlardan danışdı:
“Təhsil işçilərinin, müəllimlərin məqsədi gənc nəslə, uşaqlara təhsil verib onları gələcəyə hazırlamaqdır.Hər bir təhsil alan eyni zamanda vətəndaş kimi yetişməlidir.Dövlətinə, millətinə, milli-mənəvi dəyərlərinə, xalqına sadiq olmalı, milli vətənpərvər ruhunda yetişməlidir.Bizim məqsədimiz Kollecdə məhz belə vətəndaşların, kadrların yetişməsini təmin etməkdir. Bunun üçün əlimizdən gələn hər şeyi edirik, tələbələrin yüksək səviyyədə təhsil alması üçün əlverişli mühit yaradırıq.
Dərslərimiz ən müasir üsullarla keçirilir, imtahanlarda maksimum şəffaflığı təmin etmişik. Təsadüfi deyil ki, son illər qazandığımız uğurlar Təhsil nazirliyi tərəfindən də yüksək qiymətləndirilir.
Kollecdə müxtəlif tədbirlər təşkil edilir, tələbələrin hərtərəfli formalaşması üçün layihələr həyata keçirilir. Çox şadıq ki, bu gün kollecimizdə təhsil sistemi ən yüksək səviyyədə qurulub, çəkdiyimiz gərgin əmək artıq öz bəhrələrini verməyə başlayıb və eyni zamanda imtahan proseslerinin şəffaflığı üçün açıq qapı elan etdik və imtahan prosesi valideynlərin nəzarəti qismində keçirildi .”
Biz də Rüxsarə xanım başda olmaqla kollecin bütün kollektivinə uğurlar arzulayırıq. Uğurlarınız bol olsun.

Nicat Mahmudov
Rubrika.Az

Facebook-da paylaş