Mərkəzi Seçki Komissiyasının bu gün keçirilən iclasında fevralın 9-da keçirilmiş Milli Məclisə seçkilərlə əlaqədar 33 saylı Xətai birinci seçki dairəsindən deputatlığa namizəd Fuad Abbasovun müraciətinə baxılıb.

Rubrika.Az Report-a stinadla bildrir ki, məsələ ilə bağlı MSK üzvü İlkin Şahbazov məlumat verib.

MSK üzvü bildirib ki, 21 seçki məntəqəsi üzrə pozuntular aşkar edilib:

“Ümumilikdə məntəqələrin sayı isə 40-dır”

İclasda həmin dairənin 21 seçki məntəqəsi üzrə səsvermənin nəticələrinin etibarsız hesab edilməsi məsələsi müzakirəyə çıxarılıb və qəbul edilib. Beləliklə, həmin dairə üzrə nəticələr ləğv olunub.

*** 17:18

Mərkəzi Seçki Komissiyasının (MSK) iclasında 33 saylı Xətai birinci seçki dairəsi ilə bağlı şikayətlərə baxılır.

Hazırda iclas davam edir.

Xatırladaq ki, bu dairənin lider namizədi Hüseynbala Mirələmovdur.

Rubrika.Az

Facebook-da paylaş