Fətullahçı terror təşkilatı FETÖ ilə əlaqəli olmaqda ittiham edilərək bu günlərdə Türkiyədə həbs edilən azərbaycanlı iş adamı, “Palmali” holdinqinin sahibi Mübariz Mənsimovun erməni ortağı ABŞ-da həbsə məhkum edilib.

Virtualaz.org Türkiyə mediasına istinadən xəbər verir ki, Levon Termenciyan ABŞ büdcəsinə 1 milyard dollard ziyan dəyməsi ilə nəticələnən dələduzluq və maxinasiyada ittiham edilirdi. Neçə vaxtdır ABŞ xüsusi xidmət orqanları onun işi üzrə təhqiqat aparırdı.

Salt Lake City Federal Məhkəməsində məhkəməsində keçirilən proses zamanı bu erməni biznesmen-mafioz təqsirli hesab edilib. Ötən gün martın 22-də keçirilən proses zamanı Levon Termenciyan “Washakie Renewable Energy “ şirkətinin sahibi Yakob və İsxaq Kinqston qardaşları ilə birlikdə mütəşəkkil cinayətkar qruplaşma formalaşdırmaqda, ABŞ xəzinəsinə 1 milyard dollar ziyan vurmaqda, qanunsuz olaraq vergilərdən yayınmaqda təqsirli bilinərək cinayətlərinin sübuta yetirildiyi hakimlər tərəfindən elan olunub.

2020-ci il yanvarın 27-də Utah ştatının Salt Lake City Federal Məhkəməsi qarşısına çıxarılan şübhəlilərdən Levon Termencinaynın barəsində prokuror 10 ayrı cinayət əməlinə görə 130 ilə qədər həbs cəzası tələb etmişdi. Yakob və İshaq qardaşları ilə Federal Təhqiqatlar Bürosu ilə sövdələşməyə gedərək məhkəmədə günahlarını etiraf ediblər, onların barəsində 30 ilə qədər həbs tələb olunurdu.

7 həftə davam edən məhkəmə prosesinin nəticəsi olaraq məhkəmə hakimi Jill N.Parrish jüri üzvlərinin Termenciyanla Yakov və İshaq qardaşlarının ABş xəzinəsinə qarşı dələduzluq, vergidən yayınma, çirkli pulların yuyulması və digər cinayətlər üzrə təqsirkar olduğu barədə mövqeyini dəstəkləyib. Onların barəsində hökmün tezliklə elan ediləcəyi gözlənilir.

“Palmali” holdinqinin rəhbəri Mübariz Mənsimovun Termenciyanla əlaqələri barədə bundan əvvəl də Türkiyə mediasında və Qərb mənbələrində məlumatlar, faktlar yer almışdı. Lakin Mənsimov özü bu iddiaları rədd edirdi.

Termenciyanın oğlu Corc isə Salt Lake City məhkəməsində keçirilən prosesdə Mənsimovu ifşa edib, onun atası barədə dediklərinə cavab verərkən deyib: “Mübariz Mənsimov bizim partnyorumuzdur. Mənsimovla 2016-cı ildə atamın təlimatı ilə Kaliforniyada “Palmali USA LLC” adlı şirkət qurduq. Mübarizin dedikləri doğru deyil”.

Levon Termenciyanın qardaşı isə yaydığı açıqlamada “Palnali USA LLC” şirkətinin ABŞ-da qurulmasına Levonla Mübarizin qərar verdiyini bildirib.

Termenciyana yaxın mənbələrdən bildirildiyinə görə, Mübariz Mənsimovun bu şirkəti qurmaqda məqsədi ABŞ-da neft və neft məhsulları daşımaq üçün tanker donanması qurmaq, yaxud tankerləri kirayə götürmək idi. Levon Termenciyan isə ABŞ-dakı əlaqələrindən istifadə edərək Pentaqon və NATO-nun ehtiyacları üçün neft məhsullarının daşınmasına dair “Palmali USA LLC” şirkəti ilə podrat müqaviləsinin bağlanmasını təmin etməliydi.

Mübariz Mənsmov Levon Termenciyanla əlaqələrini inkar etsə də onun 2016-cı il oktyabrın 2-də İstanbulda Bereket-Yasemin Önür cütlüyünün toyunda nigah şahidi olub və bunu təsdiqləyən fotolar Türkiyə mediasında yayılıb.

“Palmali USA LLC” şirkəti 2016-cı ildə Kaliforniyada qurulub. Levon Termenciyan isə FTB-nin 2018-ci ildə keçirdiyi əməliyyatda tutulmuşdu. Şirktin təsis sənədlərində Mübariz Mənsimovla yanaşı Termenciyanın və iki yəhudi qardaşların adları yer alır. Şirkətin qurulmasının məqsədi kimi neft və neft məhsullarının, o cümlədən biodizelin və quru yüklərin daşınması göstərilmişdi. Şirkətin icraçı direktoru postuna isə Levon Termenciyanın oğlu Corc Termenciyan təyin edilmişdi. Şirkətin hüquqi ünvanı isə belədir:1234 W Cowles St, Long Beach, CA 90813.

Şirkət barədə təsis sənədlərinin internetdə yer almasına baxmayaraq Mənsimov Termenciyanla biznes ortaqlığını israrla inkar edirdi.

Rubrika.az

Facebook-da paylaş