Koronavirus pandemiyası dövründə bioloji laboratoriyalar üzərində sərt nəzarətin vacibliyi bütün dünya üçün aydın oldu.

Rubrika.Az yenisabah.az-a istinadla xəbər verir ki, bu baxımdan, müxtəlif bölgələrdə ayrı-ayrı dövlətlərin məqsədlərinə xidmət edən biolaboratoriyaların nəzarətsiz fəaliyyəti ciddi narahatlıq doğurmaya bilməz.

Belə ki, Ermənistanda mövcud olan biolaboratoriyalar (bəzi məlumatlara görə, onların sayı 12-yə çatır) Cənubi Qafqaz üçün böyük təhlükə yaradır. Həmin müəssisələr ABŞ-ın “Müştərək iştirakın bioloji proqramı” çərçivəsində fəaliyyət göstərir. Heç də təsadüfi deyildir ki, Ermənistanın strateji müttəfiqi sayılan Rusiya bu laboratoriyaların fəaliyyətindən narazılığını bildirərək onların şəffaflığının təmin edilməsini tələb edir.

Hələ ötən il Rusiyanın Xarici İşlər naziri Sergey Lavrov bəyan edib ki, Kreml yaxın müttəfiqləri ilə bioloji laboratoriyalar məsələsində hər şeyin şəffaf olmasında maraqlıdır. O həmçinin qeyd etmişdi ki, bu məsələni erməni həmkarı ilə də müzakirə edib. “Bu gün biz bu məsələləri müzakirə etdik. Bunlar Səhiyyə Nazirliyi xətti ilə də müzakirə olunur: bizim nazirimiz Veronika Skvortsova burada olub, erməni həmkarla ünsiyyətdə olub. Bu gün də ümumi mənada qeyd etdik ki, memorandum mətninin işləri başa çatıb, sənəd idarələrarası razılaşmaya keçir”, - deyə Lavrov bildirib.

O, həmçinin vurğulayıb ki, Moskvada yaxın tərəfdaşlarla gündəm məsələlərinə əhəmiyyət verilir.

“Bioloji silahla bağlı konvensiya var və bu konvensiya bu silahların istehsal edilməsini qadağan edir. Bir çox çoxtərəfli başqa sənədlərdə olduğu kimi, bu konvensiyada eyniləşdirmə mexanizmi (ABŞ-ın sərt şəkildə qarşı olduğuna görə) yoxdur”, - deyə Rusiyanın Xarici İşlər naziri əlavə edib.

Bu yaxınlarda isə Rusiyanın “Moskovskiy komsomoleç” nəşri Ermənistanda fəaliyyət göstərən bioloji laboratoriyaların virus yaya biləcəyi barədə xəbər tirajlayıb.

Rusiya nəşri ritorik sual verib: “Niyə ABŞ-ın hərbi virusoloqları Ermənistanda öz araşdırmalarını aparırlar?”.

Nəşr daha sonra bildirib ki, bu laboratoriyalarda Birləşmiş Ştatlarda qeyri-qanuni olan və Ermənistanda həyata keçirilməsi daha “təhlükəsiz” hesab edilən sınaqlar həyata keçirilir.

Müəllif qeyd edib ki, təhlükəli viruslar bir gün laboratoriyalardan çıxa və erməni xalqına yoluxa bilər.

Rubrika.Az

Facebook-da paylaş