Bu gün Azərbaycan Premyer Liqasında 15-ci tura yekun vurulacaq.

Son oyun günündə daha 2 qarşılaşma baş tutacaq. Günün ilk matçında "Qəbələ" səfərdə "Sabah"ın qonağı olacaq. Qarşılaşma Masazırdakı "Bank Respublika Arena"da keçiriləcək.

Komandalar indiyədək ölkə çempionatlarında 13 oyunda üz-üzə gəliblər. Bunların 6-da paytaxt təmsilçisi, 5-də isə "Qəbələ" qələbə qazanıb. Qalan 2 qarşılaşmada isə qalib müəyyənləşməyib. Topların nisbətində də meydan sahiblərinin üstünlüyü nəzərə çarpır - 17:14. "Qəbələ" son üç qarşılaşmada meydanı qolsuz tərk etməyib. "Sabah"ın meydanındakı son üç görüşdə qol vuran komanda qalib gəlib.

Turun son matçında "Səbail" "ASCO Arena"da "Sumqayıt"ı qəbul edəcək.

Tərəflər Premyer Liqada buna qədər 16 dəfə qarşılaşıb. Bunların 6-da "Səbail", 8-də isə "Sumqayıt" qələbəyə sevinib. 2 matç isə heç-heçə qeydə alınıb. Top fərqi də sumqayıtlıların xeyrinədir - 13:17. Son dörd qarşılaşmada qol vuran komanda qalib gəlib. "Sumqayıt” bu görüşlərdən yalnız birində uduzub.

Azərbaycan Premyer Liqası

XV tur

8 fevral (çərşənbə axşamı)

17:00. "Sabah” – "Qəbələ”

Hakimlər: Elçin Məsiyev, Elşad Abdullayev, Cavanşir Yusifov, Tural Qurbanov
Hakim-inspektor: Anar Salmanov
AFFA nümayəndəsi: Əsgər Əmirəliyev
"Bank Respublika Arena".

19:15. "Səbail” – "Sumqayıt”

Hakimlər: Rəvan Həmzəzadə, Cəmil Quliyev, Vüsal Məmmədov, Rövşən Rəcəbov
Hakim-inspektor: Ceyhun Haşımov
AFFA nümayəndəsi: Rüfət Əmirov
"ASCO Arena”.

Turun ilk oyun günündə aşağıdakı nəticələr qeydə alınıb:

"Keşlə" - "Zirə" 0:1
"Neftçi" - "Qarabağ" 1:2

"Qarabağ" - 36, "Qəbələ" - 26, "Zrə" - 25, "Neftçi" - 22, "Sabah" - 17, "Keşlə" - 14, "Sumqayıt" - 12, "Səbail" - 10

Rubrika.az

Facebook-da paylaş