ABŞ-da keçirilən aralıq seçkilər Vaşinqtonun Kiyevə dəstəyi ilə bağlı mövqeyini dəyişməyib.

Rubrika.Az bildirir ki, bu barədə NATO-nun baş katibi Yens Stoltenberq jurnalistlərə açıqlamasında deyib.
“Tamamilə aydındır ki, ABŞ-da Ukraynaya yardımın davam etdirilməsi üçün güclü dəstək var. Dünən ABŞ-da keçirilən seçkilərlə də bu, dəyişməyib”, – deyə baş katib bildirib.
Eyni zamanda, o etiraf edib ki, NATO-nun demokratik ölkələrində həmişə müxtəlif fikirlərə malik səslər olur:
“Ancaq təbii ki, əksəriyyət Ukraynanı dəstəkləməyə davam etməyimizin tərəfdarıdır”.
Bildirək ki, ABŞ-da noyabrın 8-də keçirilən aralıq seçkilərində səsvermə başa çatıb və bülletenlərin emalı davam edir. Nəticələrə görə, ABŞ Konqresinin Nümayəndələr Palatasının bütün 435 üzvü və Senatının üçdə biri seçiləcək. Eyni zamanda 36 ştatın və ABŞ-ın 3 dəniz kənarı ərazisinin qubernatorları seçilir. Yerli analitiklər istisna etmirlər ki, hakim Demokrat Partiyası seçkilərdən sonra həm Nümayəndələr Palatasına, həm də Senata nəzarəti itirərək respublikaçıların təmsil etdiyi müxalifətə təslim ola bilər.

Rubrika.Az

Facebook-da paylaş