Senat GOP ikitərəfli sərhəd razılaşması və Ukrayna və İsrail üçün yardım paketi üzərində irəliləyişi əngəllədikdən sonra ABŞ prezidenti Co Bayden Konqresdə Respublikaçıları tənqid edib.

Rubrika.az xəbər verir ki, bu barədə CNN yazır.
Bayden deyib ki, Kapitol Hilldə indi gördüklərini görə biləcəyini heç vaxt ağlına gətirə bilməzdi. Amerika lideri ABŞ-ın keçmiş prezidenti Donald Trampı qanunvericiləri paketi dəstəkləyəcəkləri təqdirdə qisas alacağıyla hədələməkdə ittiham edib.
"Respublikaçılar geri çəkilir, çünki Donald Tramp onlara zəng edir və hədələyir”, - Bayden əlavə edib.
Qeyd edək ki, fevralın 7-də axşam saatlarında ABŞ Senatında Ukrayna, İsrail, Tayvana və Amerika sərhədlərinin təhlükəsizliyinə yardım haqqında qanuna əlavə baxılması ilə bağlı səsvermə keçirilib. Ancaq bunun uğursuz olduğu ortaya çıxıb.
Senatorlar sənədə baxılmaq üçün lazımi sayda səs toplaya bilməyiblər (bunun üçün 60 səs lazımdır). Səsvermənin nəticələrinə görə, məlum olub ki, senatorlardan 49-u "lehinə”, 50-si "əleyhinə” səs verib.
Eyni zamanda, media "B" planının da olduğunu yazıb - Senatdakı demokratlar Ukrayna, İsrail, Tayvana və sərhədə xarici yardım məsələlərini ayırmağa hazırlaşırlar.
Xatırladaq ki, Bayden hələ 2023-cü ilin oktyabrında Konqresə Ukrayna üçün pul da daxil olmaqla əlavə maliyyə tələbi təqdim etmişdi. Lakin bu, hələlik təsdiqlənməyib.

Rubrika.az

Facebook-da paylaş