"Bu gün beynəlxalq münasibətlərdə dərin dəyişmələr baş verir".

Rubrika.Az Oxu.Az-a istinadla xəbər verir ki, bunu XII Qlobal Bakı Forumu çərçivəsində keçirilən "Çoxqütblü dünya üçün multilateralizmə yenidən baxılması" adlı paneldə Birləşmiş Millətlər Təşkilatı Baş Assambleyasının 62-ci Sessiyasının sədri, Makedoniya Respublikasının keçmiş xarici işlər naziri Srgjan Kerim deyib.

O bildirib ki, dəyişiklikləri Vaşinqtonda yeni administrasiyanın olması ilə əlaqələndirmək düzgün deyil.

S.Kerim deyib ki, geosiyasi və geoiqtisadi baxımdan fərqli tərəflərin çətirləri altında olmaq, ölkələrin yanında dayanmaq mümkün deyil:

"Geosiyasi baxımdan NATO-nun çətiri altında qalıb, geoiqtisadi baxımdan Rusiyanın çətiri altında olmaq mümkünsüzdür".

O, çıxışı zamanı deyib ki, BMT-də islahatlar aparmağın vaxtı çoxdan yetişib:

"BMT-də islahatlara Təhlükəsizlik Şurasının tərkibinin dəyişdirilməsi ilə başlanmalıdır. Tərkib sayı artırılmalıdır. Nizamnamə müqəddəs kitab deyil. Biz çoxqütblü dünyaya uyğunlaşmalıyıq".

Rubrika.az

Facebook-da paylaş