Paytaxtın Binəqədi rayonu icra başçısı sarıdan heç bəxti gətirmədi. Bu rayona rəhbər gələnlər sanki Binəqədini bineyi-qədimdən viran qoymağı məqsəd sayıblar. İndi də hazırkı icra başçısı Elxan Allahverdiyev Binəqədidə daşı daşın üstünə qoymaqla boş torpaq, rayonda bir yer qoymayıb.

Rubrika.Az-a verilən xəbərlərə görə, icra başçısının razılığı əsasında bu dəfə Gülüstan küçəsi "gülüstana" çevrilir. Belə ki, Binəqədi qəsəbəsində yerləşən Gülüstan küçəsində tikintiyə icazə sənədi olmadan bina inşa edilir.



Məlumata görə, dövlətin müvafiq qurumları tərəfindən Gülüstan küçəsində bina tikintisinə sərəncam, yaxud razılıq verilmədiyi halda, icra başçısı Elxan Allahverdiyevin "xeyir-duası" ilə qanunsuz tikinti aparılır. Bununla bağlı mediada görüntülər də yayılıb. Bəlli olur ki, icra başçısı dövlət orqanlarını heçə sayaraq bina tikintisinə şərait yaradıb.



Bu da ərazidə qanunsuz inşa işlərinin həyata keçirilməsi, o cümlədən də sakinlərin narazılığına səbəb olan faktdır. Halbuki bir adam icazəsiz Gülüstan küçəsində piştaxta qurub heç meyvə-tərəvəz sata bilməz, yaxud köşk tikə bilməz. Çünki icra hakimiyyətinə başçılıq edən şəxs özü bu işlərə nəzarəti həyata keçirir. Verilən məlumatlarda şəhərsalma rəhbərləri ilə də ,razılaşma "olub., yəni şəhərsalmanın rəhbərliyinin də bu işdə çox ,, məmun " qaldıqlarını bildirirlər. Görünür ki, bina tikən sahibkarla icra başçısı digər aidiatı rəhbərliklər də dil tapıblar, hansısa razılaşma, sövdələşmə əldə olunub.



İcra başçısının müvafiq qurumlarən icazəsi olmadan bina tikintisinə şərait yaratmasında hansı marağının olması da sual doğurur.
Xatırladaq ki, Allahverdiyev 7 ildir Binəqədiyə rəhbərlik edir. Onun dövründə Binəqədi rayonunda yaşıllıqların məhvi, qanunsuz tikintilər, tikinti normativlərinin pozulması halları geniş vüsət alıb. Bununla belə sonuncu faktla bağlı Rubrika.Az olaraq Binəqədi İH-nin rəyini işıqlandırmağa hazırıq.



Rubrika.Az

Facebook-da paylaş