Gəncədə həyat yoldaşını amansızlıqla qətlə yetrirməkdə təqsirləndirilən Zaur Orucovun cinayət işi üzrə ibtidai istintaq başa çatıb.

Rubrika.Az-ın "Report"a istinadən xəbərinə görə, cinayət işi baxılması üçün Gəncə Ağır Cinayətlər Məhkəməsinə göndərilib.

Hakim Dadaş İmanovun icraatında olan iş üzrə hazırlıq iclası iyunun 2-nə təyin edilib.

Qeyd edək ki, hadisə ötən ilin noyabr ayında Gəncə şəhəri Zülfi Hacıyev küçəsində baş verib.

Salyan şəhər sakini, 1986-cı il təvəllüdlü həyat yoldaşı Zaur Vaqif oğlu Orucov Gəncə şəhər sakini, 1995-ci il təvəllüdlü Nuranə Quliyevanı şəxsi münasibətlər zəminində çoxsaylı bıçaq zərbələri ilə qətlə yetirib.

Ona Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) maddəsi ilə ittiham verilib.
Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın. Bizim Telegram kanalımıza abunə olun Paylaşmaq:

Rubrika.Az

Facebook-da paylaş