Bütün dünyada olduğu kimi ölkəmizdə də pandemiya ilə mübarizə dəvam edir. Bu çətin günlərdə öncəliyimiz yenə də birlik olmaq və nizam-intizama ciddi riayət etməkdir. Xəstəliyin yoluxma sürəti yüksək olsa da, vəziyyətin nəzarət altında saxlanılması üçün bütün tədbirlər görülməkdədir.

Belə ki, mayın 7-də Bakıda modul tipli ilk xəstəxana kompleksinin açılışı baş tutmuşdur. Azərbaycan Respublikasının Prezidenti İlham Əliyev və birinci xanım Mehriban Əliyeva açılışda iştirak etmişlər..
Artıq modul tipli 5 xəstəxana(Bakı-2, Gəncə-1, Abşeron-1, Sumqayıt-1) fəaliyyət göstərir və daha beşi inşa olunacaq.
Ölkənin 45 xəstəxanasında koronavirus xəstələri müalicə alırlar və bu xəstəxanaların 36-sı son dövrlərdə tikilib.
İnsanların sağlamlığının ön planda olduğu bu dövrdə bu il məcburi köçkünlər üçün rekord sayda bina evləri tikiləcək və 7 mindən çox köçkün ailəsi yeni mənzillə təmin olunacaq. Şəhid ailələri üçün 1500 mənzil istifadəyə veriləcək. Qüsursuz xidmət edən zabitlərə 400 mənzilin verilməsi nəzərdə tutulur. 85 min ailə, yəni, 300 mindən çox insan ünvanlı sosial yardım alacaq.
Pandemiya dövrünün çətinliklərinə baxmayaraq Azərbaycan iqtisadiyyatı 5 ayın yekunlarına görə cəmi 1,7 faiz tənəzzülə uğrayıb.
Amma buna baxmayaraq, heç bir sosial layihə təxirə salınmamışdır. Əksinə, bu il büdcə xətti ilə reallaşan sosial layihələr keçən ilə nisbətən daha təsirlidir. Bu da iqtisadiyyatımızın ciddi əsaslar üzərində qurulduğunun göstəricisidir.
Biz bu çətin günlərə səbrimiz və birliyimiz sayəsində qalib gələcəyik.

Ülkər Hüseynova
Nəsimi rayon gənci



Facebook-da paylaş