Azərbaycan Respublikasının Prezidenti cənab İlham Əliyev iyulun 23-də su təsərrüfatının vəziyyətinə həsr olunmuş müşavirədə çıxış etmişdir. O öz çıxışında bildirmişdir: “İnfrastruktur layihələri arasında su layihələrinin xüsusi yeri vardır. Bizim ölkəmizdə bütün infrastruktur layihələrin ardıcıl şəkildə icra edilir. Bu layihələrin icrası nəticəsində ölkəmiz sürətlə inkişaf edir. Əgər bu layihələr icra edilməsəydi, bu gün ölkəmizin dayanıqlı inkişafı mümkün ola bilməzdi. Təbii ki, infrastruktur layihələri arasında prioritetlər müəyyən edilməli idi və 2004-cü ildə regionların sosial-iqtisadi inkişafına dair birinci Dövlət Proqramı qəbul olunanda bu prioritetlər çox açıq şəkildə ortaya qoyuldu. O vaxt bizim infrastrukturla bağlı problemlər kifayət qədər ciddi idi. Ölkəmizdə enerji qıtlığı mövcud idi. Elektrik enerjisinin istehsalı ilə bağlı böyük problemlər var idi, ölkəmiz idxaldan asılı idi. Əlbəttə ki, ilk növbədə, bu sahədə vəziyyət normallaşdırılmalı idi. Çünki əks təqdirdə hər hansı bir inkişafdan söhbət gedə bilməzdi. Son illərdə enerji sektoruna qoyulan vəsait, bu sahədə aparılan müasirləşmə imkan yaratdı ki, ölkəmizdə nəinki artıq uzun müddət ərzində elektrik enerjisi ilə təmin edilir, eyni zamanda, ölkəmizin əlavə generasiya gücləri nəticəsində ixrac imkanlarımız da yaranmışdır.”
Hər gün daha da inkişaf edən Azərbaycanımızda sənaye güclənir, əhalimiz artır, təbii qaza tələbat da artır və bizim elektrik stansiyalarımız yalnız təmiz enerji resursları - təbii qaz və su əsasında fəaliyyət göstərir, əlbəttə, biz bu sahən ölkəmizdə bundan sonra da prioritet olaraq diqqətdə saxlanılacaq.
Bunlarla yanaşı bu gün ölkəmizdə Prezident İlham Əliyevin uğurlu təlimatları ilə içməli su təchizatının və meliorasiya tədbirlərinin inkişafına da böyük diqqət var.Bu işlər ilk növbədə, insanların sağlamlığı, iqtisadiyyatın, kənd təsərrüfatının inkişafı üçün görülür.
Ancaq bununla bərabər, ölkəmizdə su təchizatı sektorunda bəzi problemlər və çatışmazlıqlar mövcuddur. Buna görə bundan sonra içməli su layihələri, meliorasiya layihələri bizim ölkəmizdə ən vacib məsələlər kimi duracaq. İlham Əliyev tərəfindən keçirilən müşavirənin əsas məqsədi ondan ibarət olmuşdur ki, bu sahədə buraxılmış səhvlər, mövcud çatışmazlıqlar bundan sonrakı illərdə aradan qaldırılsın, vahid idarəetmə mexanizmi işlənib təqdim edilsin və ardıcıl olaraq qısamüddətli, ortamüddətli və uzunmüddətli fəaliyyət planları icra edilsin.

Aşur Cəbiyev
Nəsimi RİH könüllüsü

Facebook-da paylaş