“Rusiyaya Dağlıq Qarabağda qeyri-sabit sülh lazımdır”

Karneqi Beynəlxalq Sülh Fondunun təhlilçisi, Qarabağ münaqişəsi üzrə mütəxəssis Tomas de Vaalın Azadlıq radiosuna müsahibəsində Dağlıq Qarabağın gələcək statusu ilə bağlı maraqlı məqamlar var. Məsələn, o deyir ki, Fransa Azərbaycanda hörmətini itirib. Yaxşı olar ki, Minsk Qrupunda olan Fransanı Almaniya əvəz etsin.

Müəllifin şərhi:

Birincisi, biz dəqiq bilməliyik ki, Azərbaycan olaraq Minsk qrupu ilə işləmək bizə lazımdırmı? Məncə, Azərbaycanın bu suala birmənalı cavabı yoxdur. Çünki ortada qeyri-müəyyənlik çoxdur. Minsk qrupunun üstündən xətt çəkməyə tələsməyək. Hələ ki, Minsk Qrupunun kənarda saxlamağa çalışmalıyıq. Çünki ortada Rusiya faktoru var. Bu faktor öz missiyasından kənara çıxmağa çalışsa, Minsk Qrupundan istifadə bizim xeyrimizə ola bilər.

Fransanın Almaniya ilə əvəzlənməsi Azərbaycanın maraqlarına cavab verir. Ən azı ona görə ki, Almaniya dəfələrlə və birmənalı şəkildə Azərbaycanın ərazi bütövlüyünə dəstək verib. Dağlıq Qarabağı da Azərbaycanın tərkib hissəsi kimi tanıyır. Erməni diasporunun səs-küyünə fikir verməyin. ABŞ da daha çox Azərbaycanın yanındadır. Ona görə Minsk Qrupu ilə vidalaşmağa tələsmək yanlış olardı.

*****

Tomas de Vaal: "Bu, ermənilər üçün alçaldıcı məğlubiyyətdir" » Toplum.tv Azərbaycanda özəl xəbərlər, araşdırmalar, təhlillər və müsahibələrin tək ünvanı


Tomas de Vaal vurğulayır ki, Dağlıq Qarabağ de-yure Azərbaycanın bir hissəsidir. De-fakto isə Rusiyanın nəzarətində olan anklavdır. İndi Qarabağın təhlükəsizliyini Rusiya qoruyur, Ermənistan yox. Hətta rus dilinin Dağlıq Qarabağda rəsmiləşməsi söhbəti də gedir: “Düşünürəm ki, artıq Qarabağ rus dilində danışır. Beləliklə, Dağlıq Qarabağ hazırda daha çox Rusiyanın nəzarətindədir. Bu ərazi Rusiyanın Qafqazla bağlı siyasətində xüsusi önəm daşıyır. Ona görə də ruslar Qarabağı itirmək istəmirlər”.

Onun baxışına görə, Rusiya sülhməramlıları qeyri-sabit sülhdə maraqlıdır. Sabit sülh Rusiyaya sərf etmir. Çünki sabit sülh olsa, Rusiya bölgəni tərk etməli olacaq.

Co Bayden vitse-prezident vəzifəsi üçün namizəd seçiminə başlayır

Ekspert deyir ki, Co Bayden administrasiyası Dağlıq Qarabağla bağlı nəsə etməyə çalışacaq. Ancaq hazırda ABŞ və Fransanın bu məsələyə təsir imkanları çox aşağı səviyyədədir.

Təbii ki, Tomas de Vaal Böyük Britaniyanın maraqlarından çıxış edir. O da aydındır ki, Britaniyanın maraqları ilə Rusiyanın maraqları ciddi şəkildə fərqlidir. Bu məsələdə Azərbaycanın maraqları isə tam başqadır. Bütün iri ölkələr Dağlıq Qarabağ problemindən Azərbaycana təzyiq vasitəsi kimi istifadə etməyə can atır. Ancaq Rusiyanın bölgədəki maraqları ilə müqayisədə Britaniyanın (+ ABŞ) maraqları Azərbaycan üçün daha məqbuldur.

Ən önəmlisi odur ki, Türkiyənin dəstəyini alan Azərbaycan müharibə meydanında erməniləri biabırçı məğlubiyyətə uğradıb. Və bütün ölkələr bu faktı nəzərə almaq zorundadırlar.

Elbəyi Həsənli təkzib etdi

Elbəyi Həsənli, Sürix

Facebook-da paylaş