..Aralıq dənizində 1600 metr dərinlikdən 130 milyon dollarlıq F-35 qırıcısını çıxarmaq üçün ABŞ prosesə daxil olub.

Rubrika.az Teleqraf.com-a istinadən xəbər verir ki, rusların hadisə yerinə yaxınlaşmaması üçün hərbi gəmilər və qırıcılar mövqe tutub.

Aralıq dənizindən keçərək Sakit okeana qədər müşahidə uçuşları edən F-35 geri qayıdarkən Aralıq dənizinə düşüb. Qəza gizli sirlərin arxasınca düşən beynəlxalq gücləri üz-üzə gətirib.

Qırıcının pilotu xilas edilsə də, İngiltərə və ABŞ-ın qorxusu təyyarənin qalıqlarının rusların əlinə keçməsidir.
İngiltərə donanması təyyarəni çıxarmaq üçün müttəfiqi ABŞ-dan dəstək istəyib.

Qeyd edək ki, dünyada bir neçə ölkə belə dərinlikdə olan təyyarəni çıxarmaq imkanına malikdir.
İlkin məlumat odur ki, təyyarəni İngiltərə-ABŞ qrupu çıxaracaq. Məxfi aparılacaq əməliyyat üçün son hazırlıq işləri görülür.

Hazırda İspaniyada olan ABŞ qrupu lazım olan ləvazimatlarla birlikdə Misir istiqamətində hərəkət edir.

Xatırladaq ki, İngilis Kraliyyət Donanmasına aid F-35 qırıcısı iki gün əvvəl Aralıq dənizinə düşüb.

Rubrika.az

Facebook-da paylaş