"Turan Tovuz”un baş məşqçisi Kurban Berdiyev Misli Premyer Liqasının 20-ci turu çərçivəsində "Qarabağ”a qarşı keçirdikləri oyun haqda danışıb.

Fanat.Az xəbər verir ki, o, 2:1 hesablı qələbəni belə şərh edib:

"Uşaqlara təşəkkür edirəm ki, ağır ev məğlubiyyətindən sonra bu cür mübarizə apardılar. Uduzduqları anda belə, göstərdilər ki, hər şey dəyişə bilər. Çox şükür ki, belə imkan bizim əlimizə düşdü və qələbə qazandıq. Futbolçuların hər biri ilə fərdi söhbət aparıldı və bu oyuna digər oyuna olduğu kimi yanaşmamalı olduqları söyləndi. Futbolçularım məni dinlədilər. "Kəpəz”lə keçirdiyimiz son 2 oyunumuz ən pis oyunumuz idi. Yanaşma fərqli idi və biz yanaşmanın üzərində işlədik. Biz istər müdafiədə, istərsə də hücumda standart vəziyyətlər üzərində işləyirik. Təəssüf ki, keçən oyunda biz bu standartlara ciddi yanaşmadıq.

Qurban Qurbanov kimi güclü məşqçinin zəif nöqtələri çox olmur. Belə oyunlarda Allah bizə yardım edir. "Qarabağ” Azərbaycan futbolunun flaqmanı, Qurban Qurbanov isə ən güclü məşqçisidir”.

RUBRİKA.AZ

Facebook-da paylaş