O sadəliyi ilə heç kəsdən fərqlənmir - AD GÜNÜN MÜBARƏK...
Bu gün də eyni düşüncəni, ideyanı müdafiə edirik. Hesab edirik ki, daşıdığı ad və soyadın harmoniyası ona bu şərəfli missiyanı həyata keçirmək üçün kifayətdir. Alın yazısı detilən bir məhfum da var. Bəlkə də bu gənc Heydərin alın yazısı, tale qismətidir.
Təbiətindən irəli gələn təvazökarlıqla əksərən publikadan uzaq duran, siyasi arenada demək olar ki, görünməyən H.Əliyevin bu davranışlarının özü əslində böyük siyasi jest və gözəl əxlaqi keyfiyyətlərin göstəricisidir. O heç zaman başqalarından fərqlənməyib. Şagird olanda da, tələbə olanda da. Azərbaycan əskəri kimi and içəndə də. Tam səmimi olaraq demək olar ki, H.Əliyev Prezident ailəsinin üzvü kimi xalqın arasından çıxıb. O başqa bir ömür yolu da seçə bilərdi- öz həyatını yaşayardı və bu hüququ heç kim onun əlindən ala bilməzdi. Amma bu əliyevlərin alın yazısı deyil, xüsusilə Heydər Əliyevlərin…
İlham Əliyev atasına layiq bir oğul olduğunu bütün fəaliyyətilə isbatlayıb. Ata vəsiyyətini yerinə yetirərək həm də bu xalqı məğlubiyyət sindromundan qurtararaq qalib edib.
Mehriban xanım Azərbaycan tarixində ilk dəfə birinci xanım statusunda ölçüyəgəlməz işlər görüb, mədəniyyətimizi, incəsənətimizi sərhədlərimiz hüdudundan çıxararaq bütün dünyaya tanıdıb. Bu gün də birinci vitse-prezident olaraq siyasi arenanın ən aktiv fazasındadır.
Bax Heydər Əliyevi Azərbaycan gənclərinin lideri olmağa məhkum edən alın yazısı budur. Bu həm də bir yoldur və bu yolun yolçusu olmaq nə böyük səadətdir !
Bu gün Heydər Əliyevin doğum günüdür. Onun yaşı demək olar ki, babasının xilaskarlıq missiyası ilə bərabərdir. Bu şərəfli illər-babasının və atasının böyük Azərbaycan mücadiləsi onun ömründən keçib.
Rubrika.Az saytının kollektivi olaraq Heydər Əliyevi ad günü münasibətilə ürəkdən təbrik edirik. Uzun ömür, can sağlığı və Böyük Azərbaycan mücadiləsinin növbəti uğur səhifələrinə adını qızıl hərflərlə yazmağı arzu edirik. Bu yollarda hər zaman səninləyik !
Nicat Mahmudov
Rubrika.Az
Facebook-da paylaş
