Aleksandr Duqinin qızı Darya Duqina hərəkətdə olan maşında baş verən partlayışda həlak olub...

Rusiya təhlükəsizlik qüvvələri rus ideoloqu və Prezident Vladimir Putinin məsləhətçisi Aleksandr Duqinin qızı Daria Duqinin ölümünü araşdırır.

Rusiya mediası ölümün avtomobilin partlaması nəticəsində baş verdiyini yazır.

Hadisə şahidlərinin sözlərinə görə, Daria Duqinin idarə etdiyi avtomobildə partlayış avtomobilin altında baş verib. Bundan sonra avtomobili alovlara bürünüb, o, yoldan çıxaraq magistral yolun yaxınlığındakı binaya çırpılıb.

UNİAN yazır ki, Rusiyada bəzi təbliğatçılar avtomobilin partladılmasında ukraynalı “millətçilər”i günahkar bilir və bununla bağlı fərziyyəni fəal şəkildə təbliğ edirlər.



***

Moskva vilayətində ictimai xadim, filosof Aleksandr Duqinin qızının avtomobili partladılıb.

Minval.az saytının Rusiya mətbuatına istinadən verdiyi məlumata görə, avtomobil Bolşye Vyazemi kəndi yaxınlığında partlayıb. Maşında olan Duqinin qızı Daria Duqina partlayış nəticəsində həlak olub.

Mətbuat onu da yazır ki, maşında Duginin özü də olmalı idi, amma o, son anda başqa maşına minib.

Partlayışın terror aktı olması ehtimalı yüksəkdir.

Qərbdə Duqini Rusiya rəhbərliyinə ciddi təsiri olan “rus dünyası”nın əsas ideoloqu hesab edirlər.

Duqinin Türkiyə prezidenti Erdoğanın yaxın ətrafı ilə yaxşı münasibətləri var. O, Rusiyanın Türkiyə ilə yaxınlaşması və strateji müttəfiq olması xəttinin əsas ideoloqlarından biridir.

Hadisə şahidləri bildiriblər ki, partlayış zamanı Daria Duqina "Land Cruiser Prado" markalı avtomobildə olub. O, maşını özü idarə edirmiş. Hadisə yerli vaxtla saat 21:35-də baş verib. İlkin məlumata görə, Daria hadisə yerində keçinib. Avtomobil partladıqdan sonra yol kənarındakı binaya çırpılıb. Avtomobilin qalıqları bütün yola səpələnib.

Aleksandr Duqin partlayışın baş verdiyi yerə gəlib.

Müstəntiqlər ilkin ehtimal olaraq avtomobildə qaz balonunun partladığını güman etsələr də, daha sonra əldəqayırma partlayıcı qurğunun işə düşməsi ilə bağlı versiyanı irəli sürüblər. Polis onun sui-qəsd qurbanı olduğunu ehtimal edir.

Qeyd edək ki, 30 yaşlı Daria Duqina "United World International”ın baş redaktoru idi. O, Böyük Britaniyanın sanksiyalar siyahısında idi.

Hazırda hadisə yerində mütəxəssislər və fövqəladə hallar xidməti fəaliyyət göstərir. Faciənin

PİA.az xəbər verir ki, Duqin və qızı dünən Moskva ətrafında keçirilən "Ənənələr" festivalında iştirak ediblər və Duqin də qızının maşınıda geri dönməliymiş. Lakin son anda başqa maşına minib.

Xatırladaq ki, Duqin "Rus dünyası" ideologiyasının və "Avrasiya" layihəsinin ideolqu hesab olunur. Qərb də onu Putinin əsas məsləhətçilərindən biri kimi qəbul edirlər.

Rubrika.az

Facebook-da paylaş