Hadisənin təffərüatları araşdırılır...

Bakıda 9-cu mərtəbədən yıxılan gənc oğlanın son durumu açıqlanıb.

Pravda.az-a hüquq-mühafizə orqanlarından verilən məlumata görə, hadisə oktyabrın 30-u saat 17 radələrində Nəsimi rayonu, A.Mustafayev küçəsində qeydə alınıb.

Belə ki, 1997-ci il təvəllüdlü M.Fərəcov yaşadığı 10 nömrəli binanın 9-cu mərtəbəsində olan mənzilin yataq otağının pəncərəsindən yerə yıxılıb. Nəticədə o, müxtəlif dərəcəli bədən xəsarətləri alaraq, 1 nömrəli Kliniki Tibbi Mərkəzə yerləşdirilib.

İlkin müayinə nəticəsində M.Fərəcovda bud çanağının sınığı, kəllə-beyin travması, sağ qabırğanın sınığı, ağciyər zədələnməsi aşkar edilib.

M.Fərəcov komadadır, danışa bilmir.

Hazırda faktla bağlı Nəsimi Rayon Prokurorluğunda araşdırma aparılır.

***

Bakının Nəsimi rayonunda bədbəxt hadisə baş verib.

APA xəbər verir ki, hadisə Asif Məhərrəmov küçəsində qeydə alınıb.

Belə ki, 1997-ci il təvəllüdlü Fərəcov Murad Abbasəli oğlu yaşadığı çoxmərtəbəli binanın 9-cu mərtəbəsinin eyvanından ehtiyatsızlıq edərək yıxılıb. O aldığı xəsarətlərə görə, komatoz vəziyyətinə düşüb. Yaralı ağır vəziyyətdə Kliniki Tibbi Mərkəzə yerləşdirilib.

Hadisənin təffərüatları araşdırılır.

Rubrika.Az

Facebook-da paylaş