4 il bundan əvvəl ərini öldürüb meyitini tövlədə basdıran Göygöl rayon sakini Aynurə Qəhrəmanova istintaqa ilginc ifadə verib.

Rubrika.Az-ın APA TV-yə istinadən məlumatına görə, A.Qəhrəmanova saxlanılaraq istintaqa təqdim edilib və o, ifadəsi zamanı həyat yoldaşını qətlə yetirəndən sonra həyətdəki yardımçı tikilidə basdırdığını etiraf edib: "Məni nalayiq söyüşlərlə təhqir edirdi. Dözə bilmədim. Daha sonra yıxdı məni çarpayıya. Tutdum boğazından sıxdım. Dedi boğuluram. Mən buraxanda artıq ölmüşdü. Sürüdüm apardım yarımtikiliyə, torpaq qazdım və basdırdım".

12:10

4 il bundan qabaq ərini öldürüb həyətdə basdıran qadın həbs edilib.

Daxili İşlər Nazirliyinin mətbuat xidmətidən verilən məlumata görə, Respublikanın polis və prokurorluq orqanlarının əməkdaşlarının birgə həyata keçirdikləri əməliyyat-axtarış, eləcə də istintaq tədbirləri nəticəsində itkin düşmüş şəxs kimi 2013-cü ilin yanvar ayının 26-dan axtarışda olan Göygöl rayon Qırıqlı kənd sakini İlham Qəhrəmanovun qətlə yetirildiyini müəyyən edilib.

Belə ki, Göygöl Rayon Polis Şöbəsinin (RPŞ) rəhbərliyinin xüsusi nəzarəti altında həyata keçirilən əməliyyat nəticəsində İ.Qəhrəmanovun 2013-cü ildə həyat yoldaşı Göygöl rayon sakini Aynurə Qəhrəmanova tərəfindən ailə münaqişəsi zəminində qətlə yetirildiyi və həyətdəki tövlədə basdırıldığı müəyyən edilib.

Göygöl RPŞ əməkdaşlarının həyata keçirdikləri əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən A.Qəhrəmanova saxlanılaraq istintaqa təqdim edilib və o, ifadəsi zamanı həyat yoldaşını qətlə yetirəndən sonra həyətdəki yardımçı tikilidə basdırdığını etiraf edib.

Yaradılan əməliyyat-istintaq qrupu tərəfindən yardımçı tikilidə də qazıntı işləri aparılıb və mərhumun meyitinin qalıqları ekskumasiya olunaraq Məhkəmə Tibbi Ekspertiza və Pataloji Anatomiya Birliyinə göndərilib.

Rubrika.Az

Facebook-da paylaş